“Karantin tədbirlərinin sərtləşdirilməsi çıxış yolu deyil” – Samir Əliyev


Hökumət həftəsonu sərt karantin tətbiqinə hazırlaşır. Ortada Türkiyə nümunəsi var. Türkiyə bu addıma getdi və yoluxmanın artım tempində əhəmiyyətli azalmaya nail oldu. Məsələn, apreldə gündəlik yoluxma sayı 5 mindən çox olduğu halda hazırda bu rəqəm 800 nəfərdən də azdır. Azərbaycanda isə əksinə getdikcə yoluxanları sayı artır. Bəs bizdə effekt verəcəkmi?

Ən azı oxşar mentalitetə malik Türkiyə təcrübəsi ümidləri artırır. Ancaq səmərə verməyə də bilər. Əvvəla, 2 gün ərzində yoluxma sayını minimuma endirmək olsa da sonrakı günlər yenidən arta bilər. Necə ki son həftələr bunu müşahidə edirik. İkincisi, yoluxmanın artma səbəbini araşdırmaq lazımdır. Bəyəm səbəb maska və sosial məsafənin qorunmamasıdır? Axı karantin dövründə belə mərkəzi küçələr istisna nəqliyyatda basabas idi, insanlar küçələrdə gəzirdi və banklar və poçt idarələri qarşısında təhlükəsizlik qaydalarını gözləmirdilər. Buna baxmayaraq yoluxma sayında ciddi artım yox idi. Bu halda niyə birdən-birə sürətli artım müşahidə edildi? Bəlkə səbəb son vaxtlar xaricdən gələnlərlə bağlıdır?

Ona görə də karantin tədbirlərinin sərtləşdirilməsi çıxış yolu deyil. 2 gün azalacaq,, növbəti 5 gün artacaq. Ocaq sönməyibsə, yoluxma riski həmişə olacaq. Vaksin məsələsi isə hələ uzanır. Ona görə də əhali ilə işləmək lazıımdır. İnnsanları cərimələmək yox, başa salmaq lazımdır.

 

Samir Əliyev

İqtisadçı

Şikayətiniz varsa Whatsapp: 0505165251