“Bu şəhərdə” artıq ATV-də - Əməkdar artistlər aparıcılıq edəcək


“Bu şəhərdə”nin məşhur simaları, Əməkdar artistlər Rafael İsgəndərov və Coşqun Rəhimov yeni mövsümdən ATV kanalında aparıcılıq edəcəklər.

Oxu.Az-in sorğusuna cavab olaraq, bu xəbəri telekanaldan təsdiq ediblər.

Belə ki, Rafael və Coşqunun yeni layihəsinin adı “Bu şəhərdə 2050” adlanacaq.

Bununla yanaşı, efirdə yayımlanan və yayımlanmayan konsertlərdən görüntülər də telekanalda yer alacaq.

Telekanaldan onu da bildiriblər ki, “Bu şəhərdə”nin ikinci layihəsinin də müzakirəsi gedir.

Bununla bağlı isə layihə öz təsdiqini tapdıqdan sonra ətraflı məlumat veriləcək.