“Correct.az” MMC-nin təşkil etdiyi Onlayn Praktik Jurnalistika Məktəbinin (OPJM) əsas məqsədi istər jurnalistika fakültəsinin tələbələrinə, istərsə də jurnalistikaya marağı olan gənclərə təcrübə imkanı yaratmaqdır.

 OPJM 1 sentyabr 2020-ci il tarixindən öz işinə başlayıb. Layihə çərçivəsində 7 iştirakçı müsahibə yolu ilə qəbul edilib. 16 həftə davam edən layihədə iştirakçılara müxtəlif sosial-iqtisadi, mədəniyyət və siyasi sahələr üzrə müxtəlif mövzular verilib. Onlar bu müddət ərzində açıqlama almaq, reportaj, xəbər hazırlamaq, müsahibə almaq və s. vacib vərdişlərə yiyələniblər.

 Ümumilikdə bəhs edilən dövr ərzində 187 yazı hazırlanıb. Hər ay ərzində verilən tapşırıqları vaxtında və tam icra edən iştirakçılara həvəsləndirici pul mükafatları təqdim edilib.

 Layihəni müvəffəqiyyətlə bitirən iştirakçılar isə müxtəlif dərəcələr üzrə sertifikatlarla təltif ediliblər.

Mustafayeva Aygün Tahir qızı 50 yazı hazırlayaraq 1-ci dərəcəli sertifikatla

Məcidova Nərmin Mirvaleh qızı 45 yazı hazırlayaraq 1-ci dərəcəli sertifikatla

Qəhrəmanova Tərlan Hüseyn qızı 31 yazı hazırlayaraq 2-ci dərəcəli sertifikatla

Vəliyeva Fidan Şirin qızı 27 yazı hazırlayaraq 3-cü dərəcəli sertifikatla

Yusibli Səkinə Teymur qızı 13 yazı hazırlayaraq 4-cü dərəcəli sertifikatla

Məmmədova Fidan Rövşən qızı 10 yazı hazırlayaraq 4-cü dərəcəli sertifikatla

İlhamsoy Arzu İlham qızı 9 yazı hazırlayaraq 5-ci dərəcəli sertifikatla TƏLTİF EDİLİBLƏR.

Yenidən başlayacaq layihəyə qoşulmaq üçün özünüz haqqında məlumatları [email protected] elektron poçtumuzə göndərə bilərsiniz.